Temporaryong gisuspenso sa Bangko Sentral ng Pilipinas (BSP) ang ₱1 milyong threshold nga basihan sa dugang pagsusi sa dagkong cash withdrawals aron mapadali ang mga lehitimong transaksiyon ug matubag ang pagtaas sa panginahanglan sa kwarta panahon sa kapaskuhan.
Epektibo sukad Nobyembre 13, 2026, hangtod Enero 31, 2027 ang maong lakang. Nagpasabot kini nga dili na awtomatikong magpahigayon ang mga bangko og enhanced due diligence o dugang beripikasyon sa mga cash withdrawal nga molapas sa ₱1 milyon.
Bisan pa niini, gipasiugda sa BSP nga magpadayon gihapon ang mga bangko sa pagmonitor sa mga kadudahang transaksiyon ug pagsunod sa mga lagda batok sa money laundering.
Mahimo usab silang mangayo og dugang dokumento kon adunay makit-ang dili kasagarang kalihokan sa account.

