Gipadayag sa usa ka nagpautang sa Bukidnon ang kalisod ug kabug-at sa pagpangolekta sa kuwarta gikan sa mga nangutang nga dugay o dili na mobayad sa ilang mga utang.
Sa pakighinabi sa Bombo Radyo Malaybalay, kang Syndy Basalo Aslag, usa ka Money Lender sa Libona, Bukidnon, miingon kini nga nagkadaghan ang iyang nasinati nga mga nangutang nga dili motuman sa ilang saad nga pagbayad.
Gibutyag usab niya nga makahatag kini og kabalaka ilabina kon ang kuwarta nga gipautang gikan lamang sa iyang kaugalingong kita ug kinahanglan usab niya kining mabawi.
Gipahimangnoan usab niya ang publiko nga susihon una ang kapasidad sa usa ka tawo sa pagbayad sa dili pa magpautang aron malikayan ang panagbangi ug pinansyal nga problema.

