Nadakpan ang unom ka lalaki sa hiniusang buy-bust operation sa kapulisan ug Philippine Drug Enforcement Agency (PDEA) sa Purok 9, Barangay Casisang, Malaybalay City, Bukidnon niadtong Oktubre 29, 2026.
Narekober sa operasyon ang kapin 6.074 gramos nga gituohang shabu nga nagkantidad og ₱41,303.20, lakip ang mga gamit nga may kalabotan sa ilegal nga droga, cellphone ug ₱500 nga kuwarta. Ang mga nadakpan nag-edad og 18 hangtod 39 anyos ug giila sa kapulisan nga street-level individuals.
Giandam na ang kaso batok kanila tungod sa paglapas sa Sections 5 ug 11, Article II sa Republic Act 9165. Ang mga ebidensiya gidala sa Bukidnon Provincial Forensic Unit alang sa eksaminasyon, samtang anaa na sa kustodiya sa Malaybalay City Police Station ang mga suspetsado.