Nagkasumpaki ang mga magtutudlo ug raliyista batok sa mga security personnel sulod sa Malacañang Complex sa Manila, usa ka adlaw sa wala pa ang World Teachers’ Day, diin pipila ang nasamdan.
Gipugngan sa Presidential Security Command ang mga raliyista nga nakasulod sa maong lugar aron ipadayag ang ilang panawagan alang sa dugang suweldo ug kaayohan sa sektor sa edukasyon.
Matud sa grupo, misulod sila sa maong lugar human miingon nga mosimba sa St. Jude, apan ilang giingon nga mubo lamang unta nga programa ang ilang buhaton.
Samtang, gikabalak-an sa mga grupo sa mga magtutudlo nga wala pa silay nadungog nga konkretong lakang gikan sa administrasyong Marcos alang sa dugay na nilang panawagan nga dugangan ang ilang suweldo.
Sa pagkakaron, wala pa’y pahayag ang Malacañang bahin sa nahitabong kagubot ug mga reklamo sa mga raliyista.