LTO, magpatuman og mas higpit nga silot sa mga drayber nga makabangga sa pedestrian lane

Magpatuman ang Land Transportation Office o LTO og mas higpit nga silot batok sa mga drayber nga makabangga sa mga motabok sa pedestrian lane, lakip ang pagkansela sa lisensya sulod sa duha ka tuig o permanente.

Gibuhat sa LTO ang lakang human namatikdan ang pagsaka sa ihap sa mga aksidenteng nahitabo bisan pa nga naa sa hustong tawiran ang mga pedestrian, ilabina sa ikaduhang quarter sa tuig.

Gipasabot sa LTO nga mahimong kanselahon dayon ang lisensya sa drayber nga magpadayon sa pagpadagan og kusog ug dili mo-menor sa pedestrian lane, apan hatagan gihapon kini og higayon sa pag-apelar ubos sa due process.

Gilauman nga ipatuman ang mas higpit nga polisiya sa LTO sugod Oktubre 5.