Lalaki sa Japan, na korner sa kapin usa ka dosenang unggoy

Naospital ang 40-anyos nga lalaki sa Yugawara, Kanagawa, Japan human palibotan ug paakon sa kamot sa gibana-banang usa ka dosenang unggoy samtang naglakaw duol sa usa ka inn.

Ang mga unggoy giingong kabahin sa Troop T1 nga dugay nang nalambigit sa mga pag-atake sa maong lugar.

Niadtong 2025, kapin 900 ka insidente ang gireport nga nalambigit sa maong grupo, lakip ang pagsulod sa mga balay aron mangita og pagkaon.

Gipahimangnoan sa mga otoridad ang publiko nga dili pakan-on o samokon ang mga unggoy ug motawag dayon sa pulis kung makakita og grupo niini sa lugar.