4 ka Palestino, patay sa mga pag-atake sa Israel sa Gaza

Upat ka Palestino, lakip ang usa ka 11-anyos nga bata, ang gikatahong namatay sa nagkadaiyang pag-atake sa Israel sa Gaza.

Ang bata nga si Ismail al-Bardawil, gipusil sa dughan sa al-Mawasi area sa habagatang Gaza ug namatay human gidala sa Nasser Hospital.

Tulo pa ang gikatahong namatay sa amihanan ug sentrong bahin sa Gaza, lakip ang usa ka 31-anyos nga inahan ug duha ka lalaki.

Sumala sa Palestinian Ministry of Health, kapin 1,394 na ang namatay ug 4,839 ang nasamdan sukad gipatuman ang ceasefire agreement niadtong Oktubre 2025.