Gipadayag sa kampo ni Vice President Sara Duterte, pinaagi sa iyang spokesperson nga si Attorney Paolo Panelo, nga ilang gitahod sa nagkalainlaing opinyon sa mga kanhing Supreme Court Justices, apan gipugos niini nga kinahanglang tan-awon ang kabug-aton sa voting threshold sa impeachment trial pinaagi sa hustong konteksto.
Dugang pa ni Panelo nga kung pakunhoran ang denominator ug usbon ang kinahanglanon nga 16-vote threshold, makahatag kini og higayon sa nagkupot sa gahum sa gobyerno nga ma-manipula ang resulta pinaagi sa paghulga o pagpasipala og kaso batok sa mga senador aron mapugngan silang makabotar.
Busa, mipabor kini sa pananan-aw ni retired Associate Justice Adolfo Azcuna nga kinahanglang ipadayon ang 16-vote requirement, tungod tumong sa Konstitusyon nga lisud kini kab-oton aron dili basta-basta magamit ang impeachment isip politikanhong hinagiban batok sa usa ka impeachable officer sama sa Bise Presidente nga gidapigan sa minilyon nga boto sa katawhan.