Lapad nga lihok-protesta mibuto sa Syria tungod sa pagmahal sa petrolyo

Mibuto ang lapad nga lihok-protesta sa pipila ka dapit sa nasod sa Syria kasunod sa kalit ug dakong pagsaka sa presyo sa mga produktong petrolyo.

Kini human gipasaka sa kagamhanan sa Syria ang presyo sa diesel hangtod sa 40 porsiyento ug 28 porsiyento usab sa gasolina. Tungod sa maong pagmahal, nagpahigayon og demonstrasyon ang mga lungsuranon diin gibabagan nila ang mga nag-unang dalan sulod sa pipila ka oras.

Mipasalig man usab ang Ministry of Energy sa maong nasod nga padayon nilang tun-an ang paglihok sa presyo sa kalibutanong merkado taliwala sa mga pagbag-o sa presyo sa lana sa tibuok kalibotan.