Gipadayag sa mga purok leader sa Malaybalay City ang ilang dakong paglaum ug suporta sa posibilidad nga mahimo silang Job Order (JO) workers sa lokal nga kagamhanan aron hatagan og pormal nga kompensasyon ang ilang bug-at nga responsibilidad sa komunidad.
Sa pakighinabi sa Bombo Radyo Malaybalay kang Marites Balili, purok leader sa Barangay 10, iyang gipasabot nga dako ang ilang kalipay sa maong probisyon tungod sa kadaghan sa ilang mga buluhaton, assignment, ug evaluation nga kinahanglang tapuson sa purok.
Sa laing bahin, gipahayag usab ni Nenebie Aranaida, purok leader sa Barangay Sumpong, nga bisan pa man sa ilang sakripisyo isip mga boluntaryo nga walay gitudlo nga pormal nga suweldo, pabilin silang nagilhan sa ilang obligasyon—sama sa pagpanguna sa mga clean-up drive ug pag-awhag sa mga lumulupyo nga mosalmot sa mga programa sa barangay.