Wage Order No. 27, gipangayo nga ipatuman dayon alang sa mga trabahante

Gipangayo ni Makabayan Party-list Representative Elisan Fernando sa Department of Labor and Employment o DOLE nga ipatuman ang Wage Order No. 27 nga naghatag og P85 nga dugang suweldo sa mga trabahante.

Matud ni Fernando, walay legal nga babag sa pagpatuman sa wage order tungod kay wala pa kuno ma-isyu ang writ of preliminary injunction human mapakyas ang petitioners sa pag-post sa gikinahanglang P10-bilyong bond.

Gikuwestiyon usab niya ang proseso sa Wage Order No. 28, ilabina ang giingong public hearing niadtong Septiyembre 2, nga iyang giingong wala nahitabo.