Mihilak si Matet de Leon samtang nag-live selling tungod sa mga basher.
Nahiubos si Matet sa iyang mga iyang mga basher, diin bisan sa iyang live selling, giatake kini og mga dili maayo nga komento.
Makita nga lisod si Matet sa pagpugong sa iyang emosyon, ug mihubag na iyang mata samtang naningkamot nga mabaligya ang iyang mga produkto sama sa de lata, pancake mix, ug uban pa.
Nasakitan si Matet sa mga gisulti sa mga basher, diin giapil ang inahan niini nga si Nora Aunor.
Gisaway siya ug giakusahan nga siya ang hinungdan sa kamatayon ni Nora Aunor tungod sa giingon nga kasamok nila sa una.
Sa miviral nga video, adunay komento nga dautan kini og kina-iya rason sa pagbiya sa iyang inahan.
Usa kini ka makasubo nga panghitabo nga gibuhat sa mga basher diin gilambigit pa ang mipanaw na nga National Artist.
Makasubo ang na agian ni Matet diin nanginabuhi kini apan kasakit nga mga pulong ang iyang nadawat.
Gipangutana pa kini nganong namaligya sa online, tungod ba wala na siyay project nga matrabaho.
Matud sa aktres dako ang kita niini sa live selling online, diin nga gi-seryoso niini ang pagtrabaho.
Gidayeg si Matet sa pipila ka mga netizens nga dili ika-uwaw ang iyang panginabuhi.