Gipadayag ni lead prosecutor Representative Gerville Luistro nga adunay katungod ang mga Pilipino nga madungog mismo ang tubag ni Vice President Sara Duterte sa mga alegasyon batok kaniya sa impeachment case.
Gusto sa prosekusyon nga ipatawag si Duterte isip testigo human maipresentar ang upat ka articles of impeachment, subay sa prinsipyo sa transparency ug accountability.
Misupak ang depensa, tungod sa katungod sa bise presidente batok sa self-incrimination.
Apan matud ni Luistro, premature pa ang pagsupak sa depensa tungod kay wala pay pormal nga mosyon alang sa subpoena kang Duterte.
Samtang, paabuton pa sa impeachment court ang mosyon sa prosekusyon ug komento sa depensa sa dili pa magdesisyon.
Gipahayag usab ni Presiding officer Francis Chis Escudero nga mahimo usab nga magpatawag ang korte og dugang testigo kabahin sa confidential funds, lakip sila Colonels Raymund Dante Lachica ug Dennis Nolasco.