7 ka Pinoy nga boksingero, mosalmot sa Asian Games

Mosalmot sa umaabot nga Asian Games sa Aichi-Nagoya, Japan ang pito ka Pinoy boxers nga mangandam sa pakiglantugi alang sa paghatag og medalya sa Pilipinas. 

Lakip sa mga makigbisog alang sa medalya sila Nesthy Petecio, Aira Villegas, Carlo Paalam, Eumir Marcial, Riza Pasuit, Junmilando Ogaye ug Norlan Petecio.

Matud ni Association of Boxing Alliances of the Philippines o ABAP president Marcus Manalo, nasayod ang mga boksingero sa ilang dakong responsibilidad nga makahatag og medalya sa nasud.

Gipailawom sa training camp sa Thailand ang mga Pinoy boxers ug gikatakdang mobiyahe paingon sa Japan sa Septiyembre 21.

Samtang, magdepende pa ang pagsabak ni Marcial sa resulta sa iyang away sa Septiyembre 19.