Giklaro ni Department of Interior and Local Government Secretary Jonvic Remulla nga walay direktiba si Presidente Ferdinand Marcos Jr. bahin sa pagtratar kang kanhi House Speaker Martin Romualdez human kini maaresto tungod sa kasong plunder.
Matud ni Remulla, “zero” ang interbensyon sa presidente bisan pa man nga suod kaayo niini si Romualdez ug giisip nga labing duol niyang ig-agaw.
Matud pa ni Remulla, wala usab kini nadawat nga sugo gikan sa presidente kung unsaon pagtratar kang Romualdez, ug ang ilang pagpatuman sa arrest warrant gibase sa mando sa korte.
Si Romualdez gi-aresto sa Cardinal Santos Medical Center sa San Juan ug temporaryong nagpabilin sa ospital human giingong nakaagom og cardiovascular event ug anxiety attack.
Gilauman nga ibalhin siya sa New Quezon City Jail sa Payatas kung ma-deklarang fit sa doktor.
Gipahayag usab ni Remulla nga bisan suod sila ni Romualdez ug sa iyang igsoon nga si Ombudsman Jesus Crispin “Boying” Remulla, ilang gituman ang ilang katungdanan ug gisunod ang mando sa korte.