Gipadayag ni Senator Judge Raffy Tulfo nga gihimo og mga kengkoy ang katawhan tungod sa mga pangalan nga nakadawat sa confidential funds nga giingong dili katuohan.
Gikwestyon usab sa senador ang prosekusyon kung gisubay ba nila ang mga ginikanan sa mga pangalan nga mitakdo sa PSA records.
Dugang pa sa senador nga posibleng ang mga alyas nga gigamit sa OVP normal lang tungod kay gagamit usab ang laing ahensiya niini, apan gisupak kini sa prosekusyon og matud pa gikonsidera nila nga ang mga pangalang nakasulat sa mga acknowledgement receipt mao ang ngalan sa mga tinuod nga nakadawat sa maong parte sa pondo.
Gitubag kini sa depensa nga ang basihan sa prosekusyon mao ang findings sa COA diin wala nagpunting og bisan unsang problema sa mga alyas nga gigamit.
Dugang pa niini nga ang prosekusyon ang adunay burden of proof aron pamatud-an ang tanang alegasyon batok sa bise presidente.