Gipanawagan sa Kabataan Partylist Southern Mindanao ang pagpadayon sa impeachment process batok kang Vice President Sara Duterte bisan pa sa pagpagawas og arrest warrant batok kaniya sa Quezon City Regional Trial Court.
Gihimug-atan ni Kabataan Partylist Southern Mindanao Chairperson Cobbie Jan Canda nga dili pa igo ang maong warrant of arrest aron makab-ot ang hingpit nga panubag sa bise presidente, ilabina nga bailable o pwedeng piyansahan ang giatubang nitong kasong kriminal. Gipasabot ni Canda nga kinahanglan gihapon ang impeachment trial aron matubag ang tanang alegasyon sulod sa pormal nga impeachment court.
Giawhag usab sa grupo ang publiko, ilabina ang kabatan-onan, nga magpabilin nga kritikal sa mga impormasyon sa social media ug magpunting sa accountability sa mga opisyal imbes nga modapig tali sa pamilyang Marcos ug Duterte. Gikondena usab sa liderato ang red-taggin