Nakaplagan sa duha ka metal detectorists ang usa ka class ring nga nawala sulod sa 28 ka tuig sa usa ka lawa sa New York ang malampusong nakabalik sa iyang tinuod nga tag-iya.
Nakit-an nila Michael Siegle ug Dylan LaPort ang singsing samtang nangita og mga karaang butang sa Great Sacandaga Lake.
Pinaagi sa social media ug tabang sa Red Creek High School, ilang natultolan ang tag-iya sa singsing nga si Kim Rasbeck, usa ka miyembro sa Class of 1988.
Matud ni Rasbeck, nawala ang singsing kaniadto samtang nagsuroy siya sa lawa uban sa iyang mga higala.
Wala na niya damha nga makita pa kini pag-usab human sa daghang katuigan. Bisan pa og gitanyag ni Rasbeck nga bayran ang gasto sa pagpadala sa singsing, wala kini dawata nila Michael and Dylan.
Matud nila, mas importante alang kanila nga mauli ang nawala nga butang ngadto sa tinuod nga tag-iya.
Sumala kang Siegle, usa kini sa labing makalipay nga bahin sa ilang pagpangita ang pagtabang sa mga tawo nga mabalik ang ilang mga butang nga dugay nang nawala.