Iran nagbahad og mas bug-at nga balos kon mopadayon ang US sa pag-atake

Nagbahad ang gobyerno sa Iran nga mogamit og mas grabe nga pwersa militar batok sa Estados Unidos kon mopadayon kini sa pagpangatake sa ilang mga pasilidad ug mga sundalo.

Gipahayag sa senior negotiator sa Iran nga mas bug-at ug direktang balos ang ilang ipahamtang batok sa mga barkong panggubat ug kagamitan sa militar sa US sa rehiyon, partikular sa may Strait of Hormuz.

Ang maong bahad nagpadayon sa pagpataas sa kabalaka sa tibuok kalibutan, samtang padayon nga nagkahugno ang mga paningkamot nga mapahunong ang panagbangi tali sa duha ka nasod.