Naghatag og dako nga dungog sa nasod ug sa pambansang kapolisan ang usa ka miyembro sa PNP Anti-Cybercrime Group (ACG) human kini nakasakmit og duha ka medalya sa Siamyout Global Heritage Muay Thai Series 2026 nga gipahigayon sa Samut Songkhram, Thailand.
Giila ang maong pulis-atleta nga si Police Corporal Jonard E. Apa-an. Nagmalampuson si Apa-an sa pag-angkon og silver medal sa 51-kilogram Muay Thai Combat Category ug bronze medal sa Wai Kru Singles event sa maong kompetisyon nga gipahigayon niadtong Agosto 10 hangtod 12.
Dungang niini, mipadangat og dakong pagpahalipay si Chief PNP Police General Jose Melencio C. Nartatez Jr. alang sa maayong pagrepresentar ni Apa-an sa pambansang kapolisan ug sa Pilipinas. Gipasalig usab sa pamunoan sa PNP ang ilang padayon nga suporta sa mga sakop nga adunay talagsaong talento sa natad sa sports.