Mosaka ngadto sa P12 kada litro ang fuel discount alang sa mga drayber sa jeepney ug UV Express sugod Agosto 15, subay sa direktiba ni Pangulong Ferdinand Marcos Jr. nga dugangan ang ayuda alang sa sektor sa transportasyon.
Sumala ni Executive Secretary Ralph Recto, pinaagi sa dugang nga diskwento, mahimong moabot sa P1,800 kada semana ang matigom sa mga kwalipikadong drayber.
Ang maong benepisyo idugang sa unang P10 kada litro nga discount nga gisugdan niadtong Abril, diin kapin 93,000 ka public utility vehicle drivers na ang natabangan.
Gihimo ang desisyon atol sa miting nga gipangunahan ni Recto uban sa mga opisyal sa gabinete niadtong Agosto 4 sa Malacañang.
Gihisgutan sa maong tigom ang mga lakang sa gobyerno aron mapanalipdan ang ekonomiya, mapugngan ang pagsaka sa presyo sa mga palaliton, ug matabangan ang mga sektor nga naapektuhan sa tensyon sa Middle East.