Gibutyag ni Manila Representative Joel Chua, nga ang mga nakitang problema sa paggamit sa confidential funds maoy nahimong basehan sa ilang sugyot nga limitahan ang paghatag niini ngadto lamang sa mga ahensyang adunay mandato sa intelligence, peace and order, ug national security.
Gipunting usab ni Chua ang mas istriktong qualification sa Special Disbursing Officer, diin gisugyot nga ang maong opisyal kinahanglan adunay permanenteng posisyon sa ahensya aron malikayan ang posibleng pagkunsabahan sa pagdumala sa pondo.
Samtang sa pikas bahin, gipadayag ni Representative Zia Alonto Adiong nga nakit-an sa COA ang giingong kakulang sa documentary requirements sa ₱125 milyon nga confidential funds, lakip ang dili klarong pagtino sa confidential activities, dili pagtugma sa mga petsa, kakulang sa mga resibo ug uban pang supporting documents.