Giinsistir sa kampo ni Vice President Sara Duterte nga adunay hinungdan ang paspas nga paggasto sa P125 milyon nga confidential funds sa Office of the Vice President o OVP sulod lamang sa 11 ka adlaw niadtong Disyembre 2022.
Sumala ni Atty. Michael Poa nga adunay mga pagpasabot ang OVP bahin sa maong disbursement, rason nga wala sila miuyon sa stipulation sa prosekusyon nga nagasto ang P125 milyon sulod lamang sa 11 ka adlaw nga walay dugang nga pagpatin-aw.
Matud ni Poa, buot sa depensa nga ipailalom sa cross-examination ang mga testigo aron mahatagan og katubagan ang paggamit sa confidential funds.
Bisan pa niini, miuyon ang kampo ni Duterte nga dawaton isip stipulated facts ang pipila ka dokumentong gisumite sa OVP ngadto sa Commission on Audit kon COA.