Gisugdan na kagahapong adlawa sa House prosecution ang pagpresentar sa mga ebidensya nga may kalabotan sa giingong sayop nga paggamit sa confidential funds sa ikapulo nga adlaw sa impeachment trial batok kang Vice President Sara Duterte.
Matud kang House Prosecutor ug Iloilo Representative Lorenz Defensor, ang paghulagway nga “unusual” o talagsaon nga pag-encash sa dagkong kantidad sa pondo sa Office of the Vice President pinaagi sa Land Bank of the Philippines maoy “appetizer” o sinugdanan pa lamang sa dugang mga ebidensyang ipresentar sa prosekusyon.
Gipahayag usab ni House Prosecution Spokesperson Representative Zia Alonto Adiong nga ang regular nga iskedyul, managsama nga kantidad sa mga tseke, ug sayo nga koordinasyon sa bangko nagpakita og usa ka klarong sistema diin lahi sa naandan nga pamaagi sa paggamit sa intelligence funds.