Napakyas sa pagtubag sa pipila ka mga mahinungdanong isyu ang ikalimang State of the Nation Address ni Presidente Ferdinand Marcos Jr., sumala kang ACT Teachers Party-list Representative Antonio Tinio, ilabina sa sektor sa edukasyon ug sa anti-political dynasty bill.
Matud ni Tinio, usa sa labing gipaabot sa mga magtutudlo mao ang klarong anunsyo sa umento sa ilang sweldo, apan wala kini mahisgoti sa pakigpulong sa Presidente.
Dugang pa niya, nagpadayon usab ang kakulang sa mga classroom bisan adunay badyet nga gigahin alang sa edukasyon.
Gipunting usab ni Tinio nga wala na usab mahisgoti sa Presidente ang anti-political dynasty bill, bisan kini usa sa mga repormang gipaabot sa publiko.
Sa pagtimbang sa ikalimang SONA ni Presidente Marcos, giingon ni Tinio nga alang kaniya, napakyas kini tungod sa daghang importanteng isyu nga wala matubag.