MALAYBALAY CITY — Giandam na sa kapulisan ang pagpasaka og murder charges batok sa mga nailhang suspek sa duha sa tulo ka sunod-sunod nga insidente sa pagpamusil sa lalawigan sa Bukidnon.
Subay sa pakighinabi sa Bombo Radyo Malaybalay kang PCpt. Sheila Joy P. Jangad, spokesperson sa Bukidnon Police Provincial Office, nailhan na ang mga suspek sa pagpamusil sa Barangay Vintar, Valencia City niadtong Hulyo 22, ug sa Barangay Halapitan, San Fernando niadtong Hulyo 23.
Samtang sa laing insidente sa pagpamusil sa Barangay San Jose, lungsod sa Quezon, duha ka persons of interest ang giila karon sa kapulisan ug padayon pang gi-beripikar ang ilang pagkalambigit pinaagi sa tul-id nga pahayag sa mga saksi.
Aron mapugngan ang pagsubli sa maong mga krimen, gipahigpit karon sa kapulisan ang Oplan Bakal-Sita, ang kampanya batok sa dili lisensyadong armas, ug ang mas gipatingban nga pagpakatap sa mga pulis sa tibuok lalawigan.