Gipangayo ni Senator-Judge Alan Peter Cayetano ang klarong mga parameter ug basihan sa pag-isyu og subpoena alang sa bank accounts, AMLC records ug BIR documents kalabot sa alegasyon sa unexplained wealth.
Gipasiugda ni Cayetano nga importante ang pag-ila kung unsa ang gitawag nga ultimate facts o mga kamatuoran nga direktang nag-establisar sa usa ka kaso, tungod kay adunay kalabotan kini sa due process ug sa hustong paggamit sa subpoena.
Samtang, matud sa prosecution, alang sa kaso sa unexplained wealth, kinahanglan mapamatud-an ang duha ka importanteng kamatuoran: una, nga ang maong opisyal nakatigom og dakong bahandi; ug ikaduha, nga ang maong bahandi klarong dili katumbas sa iyang lehitimong kita.
Gipasabot House prosecutor Chel Diokno nga ang pagkumpara tali sa bahandi sa usa ka opisyal ug sa iyang legal nga kita mahimong matino pinaagi sa mga dokumento ug financial records nga ilang gipangayo.