Hugot nga gibarugan sa prosecution nga gikinahanglan ang subpoena aron makuha sa impeachment court ang mga datos, impormasyon ug dokumento nga may kalabotan sa alegasyon sa unexplained wealth.
Gipasabot usab ni Rep. Chel Diokno nga ang pagpagawas sa mga rekord dili pa nagpasabot nga awtomatikong dawaton kini isip ebidensya, tungod kay mahimo pa kini nga kuwestiyonon sa depensa sa hustong panahon.
Gipasiugda sa prosecution nga ang pag-imbestiga sa unexplained wealth dili mahimong ibase lamang sa usa ka snapshot o pinasikad sa usa ka higayon nga financial status.
Dugang pa ni Diokno, gikinahanglan nga masubay ang pinansyal nga kahimtang sa usa ka public official gikan sa unang adlaw sa iyang serbisyo sa gobyerno, lakip ang iyang mga SALN, kita, bank records ug BIR o tax records, aron matino kung adunay bahandi nga dili katumbas sa iyang lehitimong kita.