Usa ka talagsaong kasinatian ang nahiaguman sa usa ka Filipina human kini magmabdos og duha ka bata nga adunay managlahing gestational age sulod sa iyang sabakan. Kini usa ka talagsaong medikal nga kondisyon nga gitawag og superfetation.
Sumala sa mga report ug medical literature, mahitabo ang superfetation kung ang usa ka mabdos makapagawas pa og laing itlog nga ma-fertilize ug motubo sa matres bisan nagmabdos na, hinungdan nga ang duha ka fetus magdungan og develop apan lahi ang ilang gestational age.
Bisan natawo sila sa parehas nga adlaw ug giisip nga kambal, ang usa ka bata mahimong mas bata og pipila ka adlaw o semana tandi sa iyang igsoon.
Ang superfetation usa ka talagsaon kaayong kondisyon ug pipila lamang ka kaso ang natala sa tibuok kalibutan.