Ombudsman Remulla, susihon pag-usab ang gibasurang reklamo may kalabotan sa iregularidad sa 2019 SEA Games 

Gibutyag ni Ombudsman Jesus Crispin “Boying” Remulla nga iyang ipasusi pag-usab ang gibasurang reklamo kalabot sa giingong mga iregularidad sa 2019 Southeast Asian Games.

Matud ni Remulla, iyang gipakuha ang tibuok rekord sa kaso nga giresolbar niadtong 2021 aron susihon kung adunay posibleng paglapas sa balaod ug husto ba ang nahimong desisyon sa maong panahon.

Gipasabot usab ni Remulla nga walay isyu sa double jeopardy tungod kay wala man adunay kaso nga naipasaka kaniadto.

Sa pagkakaron, una nilang tun-an ang naunang resolusyon sa wala pa sila mohimo og dugang nga lakang, lakip na ang posibilidad nga ipatawag si Senador Alan Peter Cayetano, nga kaniadto maoy chairman sa Philippine Southeast Asian Games Organizing Committee.