Ipatawag sa National Bureau of Investigation (NBI) pinaagi sa subpoena karong Hulyo 20 ang pipila ka mga opisyal sa Philippine Southeast Asian Games Organizing Committee (PHISGOC).
Sumala kang NBI Director Melvin Matibag, anaa na kaniya ang kopya sa listahan sa mga opisyal nga padad-an og subpoena.
Lakip sa ipatawag ang mga hataas nga opisyal sa komite, nalangkuban kini sa chairman, president, ug incorporator sa kompanyang nalambigit sa pagtukod sa kontrobersiyal nga New Clark City Sports Complex sa Tarlac.
Matud ni Matibag, kabahin kini sa fact-finding investigation sa paggamit sa pondo nga gigahin kaniadto alang sa 2019 Southeast Asian (SEA) Games.
Gipasalig usab sa NBI chief nga panubagon sa gobyerno ang tanang nalambigit ug adunay responsibilidad sa maong proyekto.