apalgang patay na ang sais anyos nga bata nga unang gikareport nga missing human naanod sa spillway sa utlanan sa Valencia City ug Quezon, Bukidnon. Sa pakighinabi sa Bombo Radyo Malaybalay kang Marlon B. Tangara, responder sa MDRRMO-Maramag, gibutyag niini nga malampusong narekober ang kompleto ug intact nga lawas sa biktima pasado alas-3:00 sa hapon didto sa Purok North Poblacion, Maramag. Unang namatikdan sa mga residente ang naglutaw nga lawas sa bata alas-8:00 sa buntag apan wala kini makuha dinalian tungod sa kakusog sa dagan sa tubig, hangtod nga hingpit kining na-retrieve sa hiniusang pwersa sa MDRRMO, BFP, ug mga residente human kini mipakita pag-usab pagka-alas-2:00 sa hapon.
Kahinumdoman nga ang biktima ug ang 12-anyos niining igsoon—nga una nang napalgang patay—naanod sa spillway samtang sakay sa motorsiklo nga gimaneho sa ilang amahan nga giingong lango sa ilimnong makahubog taliwala sa kusog nga baha. Subay niini, subling nagpahimangno ang mga otoridad sa publiko nga likayan ang pagtabok sa mga spillway ug suba ilabi na sa panahon sa pag-ulan aron malikayan ang susamang trahedya.