Hugot nga gikondena ni Department of National Defense (DND) Secretary Gilberto Teodoro Jr., ang pamahayag sa Embassy of China in the Philippines may kalabotan sa Department of Foreign Affairs.
Matod ni Teodoro, ang maong pamahayag nagpakita sa kakulang sa sinsero nga katuyoan ug sa giingong paglimbong sa Chinese Communist Party sa pag-atubang sa Pilipinas.
Sumala sa defense chief nga dili na katuohan ang mga pamahayag sa mga opisyal sa Chinese Embassy, mao nga ila na lamang kining gipakita pinaagi sa kasuko ug mapahitas-ong pamatasan.
Gibutyag usab ni Teodoro nga ang tubag sa China nagpadayag sa ilang tinuod nga tuyo ngadto sa nasud.
Bisan pa niini, gipasalig niya nga dili mahadlok ang Pilipinas ug dili magpasakop ang mga Pilipino sa bisan unsang pagpanghadlok o pagpamugos.