Gikatakdang magpagawas og pre-trial order ang Senate impeachment court sa impeachment case batok kang Bise Presidente Sara Duterte karong Lunes, Hunyo 29.
Sumala kang Senate impeachment court clerk Renato Bantug Jr., nagsugod na sila sa pag-andam sa draft sa pre-trial order.
Dugang pa niini, nga nakapagpagawas na og advisory memorandum si Senate President Sherwin Gatchalian ngadto sa mga senador kabahin sa pag-isyu sa maong pre-trial order sa sunod semana.
Matud ni Bantug, padayon nga trabahoon sa staff sa impeachment court ang dokumento hangtod sa katapusan sa semana aron andam na kini ipagawas sa Lunes.
Ang pre-trial order magsilbing giya o “roadmap” sa impeachment trial ni VP Sara ug maglakip sa mga posisyon sa House prosecution panel ug sa defense team bahin sa mga kamatuoran sa kaso, mga testigo, ug iskedyul sa pagdungog.
Una usab nga ihatag ang mga kopya sa dokumento sa duha ka kampo hangtod sa Miyerkules, Hulyo 1, aron makasumite sila sa ilang mga komento.
Gipasalig ni Bantug nga mahuman ang tanang preparasyon sa dili pa magsugod ang impeachment trial batok kang VP Sara sa Hulyo 6.