Nag-unang rason ang mas taas nga sweldo ug mas maayong oportunidad sa trabaho nag-unang hinungdan nga daghang Pilipino ang nangitag panginabuhian sa gawas sa nasud.
Kini sumala sa gipagawas nga bag-ong mga pagtuon.
Sa survey sa Boston Consulting Group, 69% sa mga Overseas Filipino Worker (OFW) ang miingon nga mas dako nga kita ang ilang nag-unang tumong sa pagtrabaho abroad.
Gisundan kini sa tinguha nga mapaayo ang kalidad sa kinabuhi, pagsuporta sa panginahanglan sa pamilya ug edukasyon sa mga anak, personal nga kalamboan, ug kakulang sa oportunidad sa trabaho sa Pilipinas.
Nakita usab sa pagtuon nga daghang OFW ang maoy nag-unang nagdala sa pinansyal nga suporta sa ilang panimalay.
Sa laing bahin, gipakita sa OCTA Research survey nga daghang Pilipino sa nasud ang naghunahuna usab og pagpangita og oportunidad sa gawas tungod sa mas maayong trabaho ug sweldo.