Gipasigarbo na usab ni US President Donald Trump nga hingpit nang nakab-ot ang usa ka kasunduan tali sa Estados Unidos ug Iran aron mahunong ang nagpadayong tensyon ug panagbangi sa rehiyon sa Middle East. Matod ni Trump, ang maong kasunduan usa ka dakong kadaugan sa iyang administrasyon nga magdala og kalinaw ug magsalbar sa daghang kinabuhi.
Bisan pa man sa maong pahayag, duna gihapo’y pipila ka mga kritiko ug analista ang nagpabilin nga nagduhaduha tungod sa mga nangaging serye sa airstrikes ug pagpukan og mga drone tali sa duha ka nasod sa milabay nga mga adlaw. Gipahayag sa White House nga padayon silang mag-igmat apan malaumon nga mosunod ang duha ka habig sa mga nabutang nga kondisyon sa maong kasunduan alang sa kalig-on sa tibuok kalibutan.