Nasungkit sa usa ka 99-anyos nga lola ang Guinness World Record isip “oldest person to crowd surf” human kini buong-tapang nga naki-ride ug nagpasa-pasa sa ibabaw sa mga kamot sa mga manan-aw sa usa ka concert didto sa Texas, Estados Unidos. Sikat na sa internet si Pauline Kana, nga mas nailhan isip si “Gangster Granny,” tungod sa iyang mga makalingaw nga video sa social media uban sa iyang apo.
Nahitabo ang maong talagsaong rekord atol sa concert sa country-rock musician nga si Brantley Gilbert. Sa tabang sa iyang apo nga si Ross Smith ug sa hapit 20,000 ka mga fans, gihigda si Pauline sa usa ka stretcher ug malampusong gipasa-pasa sa ibabaw sa panon sa katawhan paingon sa unahan sa entablado samtang malipayon kaayo kining nagpahiyom ug nagkaway-kaway sa iyang mga kamot.
Human sa concert, mapasigarbohong giisa ni Pauline ang iyang opisyal nga Guinness certificate samtang malipayong nagsinggit nga siya ang labing dako ug astig nga lola sa tibuok kalibutan. Matod sa lola, dako ang iyang kalipay nga ang ilang mga viral nga video nahimong inspirasyon aron mas mapaduol ug magka-uniddo pa ang mga kabatan-onan ngadto sa ilang mga katigulangan.