Presyo sa school supplies mokunhod karong tuiga- DTI

Laumang mokunhod ang presyo sa mga school supplies karong tuiga tandi sa miaging tuig, sumala sa Department of Trade and Industry (DTI).

Matud ni DTI Secretary Maria Cristina Roque, usa sa mga rason niini mao ang daghang namaligya og school supplies sa mga merkado. Dugang pa niini nga base sa ilang pakigpulong sa mga negosyante, miubos ang presyo tungod sa kadaghan sa suplay karon.

Aduna usab gihatag ang DTI nga mga price guide, apan matud pa, nagpabilin nga mas ubos pa ang presyo sa mga baligya base sa gipagawas  nga giya sa ahensya.

Hinuon gipasalig sa Kalihim nga magpadayon ang gihimong monitoring sa mga tinhadab aron masiguro nga nagsunod sila sa gitakdang mga price guide.