Taliwala sa kaguol sa industriya sa pelikula, mitaliwan na ang beteranong aktor sa Hollywood nga si James Handy sa edad nga 81 human kini madunggaban sulod mismo sa iyang panimalay sa Tanzania.
Ang suspetsado sa maong krimen nailhan nga si Michael Gledhill, kinsa anak sa hinigugma sa biktima, ug kasamtangan na kining anaa sa kustodiya sa mga awtoridad.
Matud sa taho sa kapulisan, ang suspek mismo ang nanawag sa 911 human sa insidente ug boluntaryong mitugyan sa iyang kaugalingon ngadto sa mga mirespondeng pulis, samtang ang aktor dali pang gidala sa tambalanan apan nakabsan sa kinabuhi paglabay sa pipila ka oras.
Sulod sa kapin lima ka dekada nga karera ni Handy sa kalibutan sa pag-arte, nakapakita kini sa iyang talento sa kapin 100 ka mga proyekto lakip na sa mga sikat nga pelikula sama sa “Top Gun: Maverick”, “Jumanji”, ug “Arachnophobia”.