Gikuwestiyon ni Senador Pia Cayetano ang legalidad sa gihimong sesyon sa Senado nga gitambongan sa 12 ka senador niadtong Miyerkules, Hunyo 3, 2026.
Sumala ni Cayetano nga dili igo ang maong ihap aron makabuo og quorum ug makapahigayon og opisyal nga sesyon.
Sumala ni Cayetano, klaro sa 1987 Constitution nga ang Senado adunay 24 ka miyembro ug kinahanglan ang mayorya sa tibuok nga gidaghanon aron makapahigayon og pormal nga sesyon.
“The Constitution says the Senate has 24 senators and that a majority of each House shall constitute a quorum to do business,” matod niya.
Giingon usab sa senadora nga ang Senate Rules nagtakda nga ang mga opisyales sa Senado kinahanglan mapili pinaagi sa mayoryang boto sa tanang miyembro sa kapulungan.
“So today, when 12 senators convened and purportedly held session, how can that be valid?” pangutana niya.
Gikutlo usab ni Cayetano ang kaso nga Avelino vs. Cuenco nga gigamit sa uban isip basehan nga ang 12 ka senador mahimo nang ituring nga mayorya, apan iyang giingon nga dili kini sakto gamiton sa lain-laing sitwasyon.
Isip suporta, iyang gikutlo usab ang gisulat sa yumaong constitutionalist nga si Joaquin Bernas nga nagpasidaan sa posibleng sayop nga interpretasyon sa quorum kung ang ubang miyembro naa sa gawas sa nasud o dili mapugos sa pagtambong.
Buwelta pa niya nga “12 is not 13.”
Alam ng Grade 1 student ‘yan.”
Sa samang hitabo, miabot si Sen. Francis “Chiz” Escudero sa plenaryo ug nakumpleto ang 12 ka senador nga mitambong, nga nagpadayon sa sesyon sa Senado.
Pagkahuman, napili si Sen. Sherwin Gatchalian isip Senate President Pro Tempore ug gideklarang acting Senate President.