Gipanghimakak ni Senador Erwin Tulfo ang mga alegasyon nga adunay kasabutan o baylo ang pagtambong ni kanhi Senate President Francis Escudero sa sesyon sa Senado niadtong Miyerkules, Hunyo 3.
Sumla ni Tulfo nga walay kamatuoran ang mga espekulasyon nga adunay nahitabo nga transaksyon o kondisyon nga nagdala sa presensya ni Escudero taliwala sa mga tensyon ug isyu sa Senado.
Gipanghimakak usab niini ang mga pamahayag nga matud pa nga ang Malacañang adunay kalambigitan aron masiguro ang pagtambong ni Escudero sa sesyon.
“Bakit makikialam ang Palasyo? This is a Senate, we are another branch of the government,” matud pa ni Tulfo.
Ang maong pamahayag misunod sa mga panag-istorya ug espekulasyon bahin sa kahimtang sa Senado ug sa giingong pagkabahin sa pipila ka mga mambabalaod may kalabotan sa liderato sa kapulungan.
Matud ni Escudero sa lahi nga pamahayag, dili siya mopili og bisan unsang paksyon ug nagpabilin nga nakatutok sa interes sa institusyon sa Senado.
“This is not a political contest. I am not taking sides. I am taking a stand for the Senate.
My allegiance is not to any faction, personality, group or alliance.
This is not about loyalty, betrayal, or choosing one group over the other this is about duty,” matud ni Escudero.
Bisan pa sa mga isyu, giingon ni Tulfo nga nagpabilin nga independente ang Senado isip usa ka sangay sa gobyerno, ug ang mga pagsulay niini kinahanglan sulbaron sa mga senador mismo nga walay impluwensya sa ubang institusyon.
Sa karon, magpadayon pa ang konsultasyon ug diskusyon sa Senado may kalabotan sa operasyon ug liderato sa kapulungan.