Giisip sa prosecution panel nga mas milubong hinuon kang Bise Presidente Sara Duterte ang gisumite niining opisyal nga tubag sa impeachment complaint, hinungdan nga nanawagan sila nga sugdan na dayon ang trial sa Senado.
Matod kang Rep. Terry Ridon, walay bag-o o lig-on nga argumento nga giladlad ang kampo sa Bise Presidente, ug daghang mahinungdanong isyu ang gibiyaan niining walay tubag. Dugang ni Ridon, nagpalig-on lang kini sa kamatuoran nga adunay dako nga basihan ang mga sumbong batok kang Duterte.
Gibatikos usab ni Kabataan Party-list Rep. Renee Co ang padayong paglikay sa Bise Presidente sa tulubagon niini sa publiko. Matod ni Co, imbes nga magpalubog sa isyu, kinahanglan nang atubangon ni Duterte ang mga alegasyon direkta sa impeachment court aron masusi sa Senado ang tanang ebidensya sa labing madali nga panahon.