Taliwala sa kaguol sa industriya sa pelikula, mitaliwan na ang sikat nga Oscar-winning film editor nga si Marcia Lucas sa panuigon nga 80 anyos gumikan sa sakit nga kanser didto sa Rancho Mirage, California.
Si Marcia, nga nailang kanhi asawa sa magbubuhat sa Star Wars nga si George Lucas sulod sa 14 ka tuig, giisip nga usa sa mga “unsung hero” o tago nga madasigong pwersa luyo sa kalampusan sa orihinal nga trilogy sa maong sikat nga salida. Siya ang miparada ug nakadawat og Oscar Award alang sa Best Film Editing sa unang salida sa Star Wars niadtong 1977. Gawas niini, dako usab ang iyang natabang sa pag-edit sa uban pang bantogang pelikula sama sa Return of the Jedi, American Graffiti, ug ang mga obra ni Martin Scorsese sama sa Taxi Driver.
Sumala sa pamahayag sa iyang pamilya, dili malimtan ang iyang dakong kontribusyon sa kalibutan sa cinema nga puno sa emosyon, dagan, ug katin-awan sa matag eksena. Siya gibiyaan sa iyang duha ka anak nga babaye ug mga apo.