Presyo sa produktong petrolyo, posibleng mu-rollback sunod semana 

Posibleng mokunhod ang presyo sa produktong petrolyo sa pagsugod sa unang semana sa Hunyo, sumala sa gibutyag sa Department of Energy (DOE).

Matud ni DOE Oil Management Bureau Director Rino Abad, kini nga dako nga posibilidad sa rollback gibase sa dagan sa unang upat ka adlaw nga trading sa lana sa merkado sa tibuok kalibutan.

Bisan pa man niini, wala pa naghatag ang opisyal og eksaktong banabana o kantidad sa ipatuman nga kunhod tungod kay nagadepende pa kini sa pagsira sa kataposang adlaw sa negosasyon.

Gilauman nga mapagawas ang pinal ug saktong presyo sa adlawng Lunes, nga kasagaran usab nga i-implementar sa mga lokal nga kompanya sa lana matag adlawng Martes.