Gipahayag sa beteranang aktres nga si Janice de Belen ang iyang bug-os nga suporta alang sa love life sa iyang anak nga si Kaila Estrada, kinsa kasamtangang gi-link ug giingong duna’y relasyon karon sa aktor nga si Daniel Padilla.
Atol sa iyang pagka-bisita sa programa ni Boy Abunda, gipasabot ni Janice nga isip usa ka inahan, ang labing importante alang kaniya mao ang kalipay sa iyang mga anak. Matod pa niya, kon makita niya nga malipayon si Kaila, wala siya’y rason o katungod nga manghimasok o mualog sa maong relasyon. Gipaambit usab sa aktres nga dili niya gusto nga mahimong sobra ka mapig-oton o kontrolado sa iyang mga anak tungod kay nakasabot siya sa kaagi sa mga batan-on karon, ug dako ang iyang pagsalig nga kaya nilang barogan ug dulaan ang unsa man nga mga desisyon nga ilang gihimo alang sa ilang kinabuhi.
Kahinumduman nga dugay nang nanggawas ang mga hungihong ug espekulasyon kabahin sa duha human sila makit-ang magkauban sa pipila ka mga higayon gikan pa sa miaging tuig, lakip na ang pagtambong ni Kaila sa adlawng natawhan ni Daniel diin nakit-an pa ang ilang mga sweet nga hulagway sa social media. Si Daniel Padilla dugay usab nga nakarelasyon sa aktres nga si Kathryn Bernardo sa wala pa sila opisyal nga nagkabuwag niadtong Nobyembre 2023