Gikabalak-an sa usa ka eksperto economiya ang posibleng paghinay sa Gross Domestic Product (GDP) ug ang nag-unang krisis sa ekonomiya sa nasud nunot sa padayong isyu sa politika sa kaulohan.
Sa pakighinabi sa Bombo Radyo, gibutyag ni Ray Talimio Jr., nga kanhing miyembro sa Economic Development Committee sa RDC-X, nga nabalewala na ang pag-atubang sa mga importanteng hagit sama sa inflation ug pagsaka sa presyo sa mga paliton tungod sa natutok ang mga opisyal sa gobyerno sa mga hisgutanan sa impeachment.
Gipasidan-an sa maong analista nga kon dili mohunong ang maong mga kagubot, seryoso nga maapektuhan ang kinatibuk-ang dagan sa komersyo ug ang panginabuhi sa mga ordinaryong lungsoranon.
Base sa bag-ong datos nga gipagawas, mikanaog na sa 2.8 porsyento ang GDP growth sa unang quarter sa tuig 2026 gikan sa 4.4 porsyento sa miaging quarter diin usa ka senyales sa nagkaduol nga recession kon magpadayon ang pagkunhod sa produksyon.
Samtang, gipadayag usab sa eksperto nga na ang inflation ngadto sa 7.2 porsyento, nanawagan si Talimio nga kinahanglan nang molihok ang economic managers sa administrasyong Marcos aron makahatag og konkretong solusyon alang sa sektor sa transportasyon, mangingisda, ug mga mag-uuma nga maoy grabeng naigo sa oil crisis.