Padayon ang voter registration sa Commission on Elections alang sa umaabot nga Barangay ug Sangguniang Kabataan (SK) elections nga gikatakdang ipahigayon sa Nobyembre 2, 2026.
Matud ni Atty. Danilo N. Dividina – Election Officer-Commission on Elections, Malaybalay City, Bukidnon, ang registration period magpadayon hangtod Mayo 18, 2026.
Ang COMELEC offices sa tibuok nasod kasagarang nag-operate gikan Martes hangtod Sabado kay adunay “work from home” arrangement kada Lunes.
Apan gumikan nga ang katapusang adlaw sa registration mahitabo sa Lunes, abli gihapon ang mga opisina sa maong adlaw aron ma-accommodate ang tanang magparehistro.
Daghan sa mga nagparehistro karon mao ang mga first-time voters, ilabi na sa SK elections, diin pwede makaboto ang mga batan-on nga nag-edad 15 hangtod 17 anyos.
Gihisgutan usab ang posibilidad ug sentiment sa publiko kabahin sa ideya sa pag-abolish sa Sangguniang Kabataan, apan gipasiugda nga padayon gihapon ang proseso sa eleksyon ug partisipasyon sa kabataan sa demokratikong sistema sa nasud.