Plano sa Italy nga makarecruit og liboan ka mga Pilipino nga nurses aron matubag ang kakulang sa healthcare workers sa nasud, sumala sa Philippine Embassy in Rome.
Matod ni Neal Imperial, nakigpulong na kini kang Orazio Schillaci kabahin sa maong plano.
Gihisgutan sa duha ka opisyal ang pagpalapad pa sa relasyon sa healthcare workforce mobility diin magkuha ang Italy og mga Pilipinong nurses aron motrabaho sa medical ug health sector sa ilang nasud.
Sa pagkakaron, nag-atubang ang Italy og kakulang sa mga nurse nga mokabat sa 15,000 hangtod 20,000 ka healthcare workers, ug gusto niining masulbad kini pinaagi sa pagkuha og mga “highly qualified healthcare professionals.”
Giingon usab n nga ang plano sa Italy sa pagkuha og daghang Filipino nurses usa ka pag-ila sa maayong reputasyon ug performance sa mga Pilipinong healthcare workers sa nagkalain-laing bahin sa kalibutan.