Gipadayag ni Batangas 1st District Representative Leandro Leviste ang iyang suporta kang kanhi Pangulong Rodrigo Duterte ug giingon nga adunay mga polisiya sa miaging administrasyon nga angay ibalik.
Sumala ni Leviste nga dugay na kining supporter ni Duterte ug dili kini mahadlok moangkon niini.
Gipasabot usab ni Leviste nga dili siya “mapalit o mapahilom” tungod lamang sa political convenience, ug nagtuo siya nga adunay positibong epekto ang pipila ka mga polisiya sa nag-una nga administrasyon.
Gibatikos usab niini ang sistema sa Kongreso diin, sumala kaniya, adunay mga politiko nga mobalhin og partido depende sa pondo o benepisyo.
Alang kaniya, mas importante ang lig-on nga baruganan kaysa sa pag-apil kung asa adunay mas dakong benepisyo.
Dugang pa sa mambabalaod, nagtuo siya nga daghan sa kasamtangang miyembro sa Kongreso ang kaniadto usab nagsuporta sa Duterte administration ug angay kining ipadayag sa klaro.
Matud pa, nagpadayon usab siya sa pagbatikos sa korapsyon sa flood control projects ug nagduso og mga reporma sa hustong paggamit sa pondo sa gobyerno.