Gipaubos na karon sa saktong pagsusi sa mga otoridad ang kontrobersyal nga Lechon Festival human kini mabatikos sa social media tungod sa giingong paglapas sa kultura sa mga lumad sa Bukidnon.
Sa pakighinabi sa Bombo Radyo Malaybalay ngadto kang Jun Cruz, ang Provincial Chair for the Events Committee, gibutyag niini nga duna nay direktiba gikan sa gobernador aron sutaon ang maong isyu. Gipatin-aw ni Cruz nga ang maong aktibidad gidumala sa Agriculture Office kauban ang mga partisipanteng LGUs, apan naghuwat pa sila sa kompletong detalye sa imbestigasyon sa dili pa magpagawas og pormal nga pamahayag.
Bisan pa sa maong mulo, gipasabot ni Cruz nga sa kinatibuk-an, nagpabiling madayandayanon ug madasigon ang gipahigayon nga street dancing competition. Gihulagway sa maong opisyal nga organisado ug nagmalampuson ang pasundayag sa nagkalain-laing lungsod uban ang minimal lamang nga insidente sa seguridad.
Sa pagkakaron, padayon gihapon ang pag-awhag sa publiko nga suportahan ang nahibiling mga kalihokan sa Kaamulan Festival 2026, lakip na ang mga konsyerto sa Capitol Grounds, samtang gihulat ang resulta sa gihimong pakisusi sa maong isyu.